Շատ փոքր ընկերությունների սեփականատերեր բավականաչափ բարձր չեն գնահատում իրենց արտադրանքը կամ ծառայությունները արտասահմանյան երկրներում վաճառելու հնարավարությունները: Այնուամենայնիվ, աճելու միտում և ներուժ ունեցող փոքր ընկերությունները կարող են տարբեր երկրներում որոնել գնորդներ՝ իրենց ապրանքների և ծառայությունների համար:

Ինչպե՞ս գտնել միջազգային գործընկերներ

Ստորև ներկայացված են որոշ միջազգային հարթակներ, որոնք կօգնեն ձեզ գտնել միջազգային գործընկերներ:

Ձեռնարկությունների եվրոպական ցանց

Ձեռնարկությունների եվրոպական ցանցն օգնում է գործարարներին լինել նորարար և աճել միջազգայնորեն: Սա միջազգայնացման հավակնություններ ունեցող փոքր և միջին ձեռնարկությունների աջակցությանն ուղղված աշխարհի մեծագույն ցանցն է:

Ցանցը տիրապետում է գործարար հնարավորությունների Եվրոպայի մեծագույն առցանց տվյալների բազան:

Որոնե՛ք գործարար կամ ակադեմիական գործընկերներ՝ ձեր արտադրանքը, գաղափարը և ծառայություններն արտադրելու, տարածելու, համատեղ զարգացնելու կամ մատակարարելու նպատակով:

https://een.ec.europa.eu/partners

Ձեռնարկությունների եվրոպական ցանցի մասին առավել մանրամասն տեղեկատվություն կարող եք ստանալ՝ այցելելով Հայաստանի փոքր և միջին ձեռնարկատիրության զարգացման ազգային կենտրոն հիմնադրամի գրասենյակներ: Մեր մասնագետները կտրամադրեն գործարար խորհրդատվություն, կօգնեն ձեզ գտնել գործընկերներ՝ ցանցային ավելի քան 60 երկրներում:

Ձեռնարկությունների եվրոպական ցանցի, որը Հայաստանում պաշտոնապես սկսել է իր գործունեությունը 2008 թվականի փետրվարից, հյուրընկալող կառույցը Հայաստանում հանդիսանում է «Հայաստանի փոքր և միջին ձեռնարկատիրության զարգացման ազգային կենտրոն» հիմնադրամը: ՁԵՑ-ն իր մեջ է ներառում ավելի քան 60 անդամ երկրների շուրջ 600 գործընկեր կազմակերպություններ՝ տրամադրելով իր շահառու կազմակերպություններին բազմաթիվ գործարար ծառայություններ:

Հայաստանում Ձեռնարկությունների եվրոպական ցանցի գործունեությունն ուղղված է հայ գործարարների միջազգայնացմանը և եվրոպական շուկա մուտք գործելու հնարավորությունների ընդլայնմանը, նրանց նորարարական կարողությունների զարգացմանը և տեխնոլոգիական կատարելագործմանը: Այցելեք http://eenarmenia.am/ ՝ ՁԵՑ Հայաստան ծրագրի վերաբերյալ առավել մանրամասն տեղեկատվություն ստանալու և տրամադրվող ծառայություններին ծանոթանալու նպատակով:

Դուք կարող եք ինքներդ որոնում կատարել Ցանցում հետևելով հղմանը՝ https://een.ec.europa.eu/partners։

https://bankofpartners.com/en

Ներմուծողների և արտահանողների միջազգային հարթակը ձեզ հնարավորություն կտա ինչպես կատարել ձեր գործընկերոջ որոնում, այնպես էլ տեղադրել ձեր ընկերության գործարար նկարագիրը:

Այցելելով   https://www.businesspartners.com/ կայք՝ դուք հնարավորություն կունենաք գտնել ռազմավարական գործընկերներ, ներդրողներ, իրավական գործընկերներ, ծրագրային և այլ տիպի գործընկերներ:

Այցելեք https://www.s-ge.com/en/service/business-partners, եթե նպատակ ունեք գտնել գործընկերներ Շվեյցարիայում:


http://collabfinder.com/  հարթակ է, որտեղ դուք կարող եք տեղադրել ձեր գաղափարները, ինչպես նաև գտնել մարդիկ, ովքեր կօգնեն ձեզ սկսել ձեր ծրագիրը:



Օգտակար հղումներ