Արտահանե՞լ, թե ոչ...

Յուրաքանչյուր ձեռնարկության համար արտահանումը կարևորագույն քայլ է հետագա զարգացման և ընդլայնման տեսանկյունից:Սպառողների 96%-ը գտնվում են Հայաստանից դուրս, իսկ համաշխարային սպառողական շուկայի հիմնական պոտենցյալը գտնվում է հենց արտերկրում: Եթե դուքցանկանում եք ընդլայնել ձեր բիզնեսը, ահա մի քանի օգտակար խորհուրդներ, թե ինչպես է պետք կառավարել ձեր բիզնեսը՝ նախապատրաստելով այն արտահանման:

Պե՞տք է արդյոք գնալ արտասահման, թե՞ պարզապես մնալ Հայաստանում։ Հետևյալ ստուգաթերթը կօգնի ձեզ քննել ձեր ներկա իրավիճակը և համոզվել, որ ունեք արտահանելու լավ, ռազմավարական պատճառ։ Եթե դուք դեռ պատրաստ չեք, դուք կհասկանաք, թե ինչ է հարկավոր անել՝ արտահանման հնարավորություններին պատրաստ լինելու համար։

Եթե վերը նշված ստուգիչ հարցերին ձեր պատասխանները դրական էին, և դուք իսկապես հետաքրքրված եք արտահանմամբ, ապա ստուգեք պե՞տք է գնալ արտահանման, թե ոչ՝ հաշվի առնելով ձեր բիզնեսի առկա վիճակը.

Կարևոր հուշում 1․

· Այլ երկրներում հայկական սփյուռքի գործարար ցանցերը և սպառողները կարող են օգտակար լինել ձեր բիզնեսի համար։ Հետազոտեք այն երկրների շուկաները, որտեղ հայկական մեծ սփյուռք կա և ստուգեք, արդյոք նրանք կգնահատեն ձեր արտադրանքն իրենց երկրներում։ Եթե ձեր արտադրանքը նմանատիպ այլ ապրանքների մեջ կարող է մրցունակ լինել տվյալ երկրի շուկայում և կարող է օգտագործել հայկական ցանցի առավելությունը, ապա դա հանդիսանում է ևս մեկ պոտենցիալ շուկա, որը պետք է հաշվի առնել։

Կարևոր հուշում 2․

· Ֆինանսական մանրամասն վերլուծություն կարելի է անել միայն 3.4 ենթագլխի Քայլ 8-ից հետո։ Այնուամենայնիվ, համոզվելու համար, որն ձեր արտահանումը ֆինանսական տեսանկյունից իրատեսական է, խորհուրդ է տրվում այս քայլում կոպիտ հաշվարկ իրականացնել ։

Կարևոր հուշում 3․

· Հիշեք, որ ձեր արժեքը, մինչև նոր շուկայում վերջնական սպառողին հասնելը ավելանալու է, ինչպես ներկայացված է հետևյալ պատկերում։ Ձեր արտադրանքը պետք է ունենա բարձր որակ, լինի հիգիենիկ և գրավիչ փաթեթավորված, որպեսզի հնարավոր լինի նոր շուկայում վաճառել բարձր գնով։

Ո՞ր շուկաներ մտնել…

Ձեր արտադրանքի կամ ծառայության միջազգայնացման ճանապարհին կարևորագույն հարց է, թե որ շուկաներն են ձեզ համար առավել թիրախային: Եթե դուք գիտեք, որ արտահանումը իմաստ ունի ձեր բիզնեսի համար, սակայն համոզված չեք, թե որ շուկան մտնել։ Հետևյալ ստուգաթերթը կօգնի որոշել ձեզ համար մուտք գործելու բարձր ներուժ ունեցող շուկաները։

Եթե դուք արտահանման վերջնական որոշում եք կայացրել, ապա անհրաժեշտ է հաշվի առնել հետևյալ գործոնները՝

Կարևոր հուշումներ․

· Երբ ունեք ուղղությունների մի քանի տարբերակներ, կարող եք կիրառել այս գնահատումը և որոշել, թե որ շուկան է ամենից ձեռնտու ձեր բիզնեսի համար։

· Շատ հազվադեպ է լինում, որ բոլոր հինգ գործոններն էլ բարենպաստ են լինում ձեր բիզնեսի համար․ կարևոր է պարզապես պատրաստ լինել մարտահրավերներին և մտածել ռազմավարական գաղափարներ այդ մարտահրավերներին դիմակայելու համար։

Ինչպես մտնել նոր շուկա...

Եթե արդեն պատկերացում ունեք, թե ինչ ապրանք արտահանել, և որ երկիր, ապա պետք է համապատասխանեցնեք ձեր թղթաբանությունը թիրախային երկրի օրենքներին, ընթացակարգերին և պահանջներին: Հետևյալ քայլերը կարող են օգնել ձեզ այդ հարցում:

· Վերանայեք ձեր շուկայական պլանը՝ հաշվի առնելով նոր թիրախային շուկայի առանձնահատկությունները: Առանձնացրեք ձեզ համար թիրախային հաճախորդներին, կազմեք նոր վաճառքի պլան և մշակեք ձեր արտադրանքի/ծառայության մրցակցային առանձնահատկությունները նոր շուկայի համար: Առանձնահատուկ ուշադրությամբ հաշվարկեք բոլոր վաճառքի և շուկայական ծախսերը:

Լավ ուսումնասիրեք նոր շուկայի ձեր մրցակիցներին և մշակեք լավ մարկետինգային պլան:

Ձեր արտադրանքով կամ ծառայությամբ նոր շուկա մտնելը անհրաժեշտ ե դիտարկել որպես առանձին նախագիծ, որը պետք է ունենա սեփական բյուջեն՝ կանխատեսված իրատեսական ծախսերով և ակնկալվող եկամուտով:

Նոր շուկա պետք է մտնել միայն այն դեպքում, երբ ձեր ընկերության ֆինանսական վիճակը թույլ է տալիս ծածկել այդ ծախսերը, այլապես անհրաժեշտ է որոնոլ նոր ֆինանսավորման հնարավորություննր:

· Անհրաժեշտ է անցնել մի շարք իրավական ընթացակարգերի միջով՝ ձեր բիզնեսը միջազգայնացնելու ճանապարհին: Նոր երկրում ձեռնարկատիրական գործունեություն ծավալելը նույնն է, ինչ նոր ձեռնարկություն գրանցելը այդ երկրում. այդ տեսանկյունից շատ կարեվոր է աշխատել ճիշտ միջնորդ գորշծակալությունների հետ և լավ տեղեկանալ բոլոր հայկային պարտավորությունների, պահանջվող հավաստագրերի, անհրաժեշտ թույլտվությունների մասին:

Հաջորդ գործիքը կօգնի ձեզ ստեղծել արտահանման ձեր կարողությունները որպես կազմակերպություն՝ համապատասխան նրան, թե ինչ ծավալի բիզնեսի ավելացում եք ակնկալում արտահանումից։

Երբ շաբաթական 1,000 տուփ չրերի պատվեր ստանաք (այնինչ դուք վաճառում եք տարեկան 5,000 տուփ Հայաստանում), կարո՞ղ եք միայնակ կառավարել արտադրությունը, մակնշումը, փոխադրումը, կանոնակարգային փաստաթղթաբանությունը, գնորդների հետ նամակագրությունը։ Ինչքան աճեցնում եք արտահանման ձեր գործը, զուգահեռ պետք է պատրաստ լինեք որպես կազմակերպություն անցում կատարել հաջորդ աստիճան։

Կարևոր հուշում․

Արտահանման ծավալի աճին զուգահեռ մշտադիտարկեք արտահանման գործողությունների հետ կապված աշխատանքային ծանրաբեռնվածությունը և ֆինանսական վիճակը։ Դա շատ օգտակար է հասկանալու համար, թե որը պետք է լինի հաջորդ քայլը։

Օրինակ, 1-ին աստիճանից 2-րդին անցնելիս ժամանակ է պահանջվում, որպեսզի կարողանաք գտնել վստահելի և արդյունավետ միջնորդի։ 2-րդից 3 անցումն արդեն ժամանակ է պահանջում ներդրումը նախապատրաստելու համար։

Միշտ պատրաստ եղեք ապագայի համար։ Ձեր բիզնեսի աճն անկանխատեսելի է։ Ճնշող պատվերների պատճառով Դուք չեք ցանկանա զիջել ձեր արտադրությունը, որակը կամ գործառնությունները։ Դա կարող է փչացնել ձեր նոր բիզնեսը հենց այն պահին, երբ դուք սկսում եք աճել։

Օգտակար հղումներ